नवी मुंबई : कोरोनामुळे सुरू असलेल्या टाळेबंदीत उपासमार ओढवलेल्या रेम्बो सर्कसच्या कलाकारांसाठी शिवसेना आधारवड ठरली आहे. शिवसेनेचे माजी विरोधी पक्षनेते विजय चौगुले यांनी टाळेबंदी सुरू झाल्यापासून सलग चार महिने सर्कस मधील 170 कलाकारांना राहण्यापासून कपडे आणि अन्न-धान्य देऊन मदत केली आहे. मुख्यमंत्री आणि शिवसेना पक्षप्रमुख उद्धव ठाकरे यांच्या वाढदिवसानिमित्त आज सर्कसमधील कलाकार स्त्रीया, पुरुष आणि लहान मुलांना कपडे वाटप करण्यात आले.
दरवर्षी हिवाळ्याच्या सुटीत रेम्बो सर्कस नवी मुंबईत येते. यावेळी सर्कस आली त्याच वेळेस शहरात कोरोनाचा शिरकाव झाला. सरकारने सर्वत्र टाळेबंदी जाहीर केली. त्यामुळे सर्कस कोणी बघायला न गेल्यामुळे सर्कसचे उत्पन्न घटून उपसणार ओढवली. लहान मुले भुखेने व्याकुळ झाली. महिला आणि पुरुष कलाकार बेरोजगार झाले. ही माहिती मिळताच विजय चौगुले मदतीसाठी धावून आले. मार्च महिन्यापासून ते आत्तापर्यंत चौगुले यांच्याकडून कलाकारांना अविरतपणे मदतकार्य सुरू आहेत. सर्कस मधील 170 कलाकारांची काळजी चौगुले यांच्याकडून घेतली जात आहे.
चक्रीवादळाच्या वेळेसही सर्कसमधील कलाकारांना त्रास होऊ नये म्हणून चौगुले यांच्या सूचनेनुसार महिला कलाकारांना महापालिका शाळेत आणि पुरुष कलाकारांची एका रहिवाशी सोसायटीत तात्पुरती व्यवस्था करण्यात आली होती. टाळेबंदीच्या काळात चौगुले यांनी कलाकारांना दिलेला मायेचा हात त्यांच्यासाठी आधार ठरल्याने सर्कसमधील कलाकारांनी चौगुले यांचे आभार मानले. उद्धव ठाकरे यांच्या वाढदिवसानिमित्त कपडे वाटप कार्यक्रमाचे आयोजन करण्यात आले होते. ठाणे जिल्ह्याचे खासदार राजन विचार यांच्या हस्ते कलाकारांना कपडे आणि खाऊ वाटप करण्यात आला. या प्रसंगी विजय चौगुले, माजी नगरसेवक ममीत चौगुले आणि ऐरोलीतील शिवसैनिक उपस्थित होते.
---------------------------------
Edited by Tushar Sonawane
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.