ठाणे : एकीकडे राज्यात (maharashtra) शिवसेना-राष्ट्रवादी (shivsena-ncp) एकत्रित सत्तेत असतांना मात्र ठाण्यात (thane politics) शिवसेना राष्ट्रवादी कोणत्या न कोणत्या कारणाने नेहमीच एकमेकांच्या विरोधात असतांना पाहायला मिळतेय, आज देखील ठाणे महानगर पालिकेच्या (thane municipal corporation general assembly) सर्वसाधारण महासभेत महाविकास आघाडीत असलेले शिवसेना राष्ट्रवादीचे नगरसेवक एकमेकांना (corporators debate) भिडतांना पाहायला मिळाले. (Shivsena and ncp debate in thane municipal corporation general assembly)

ठाणे महानगरपालिकेच्या आज सुरु असलेल्या महासभेत महापालिका विरोधी पक्षनेते अशरफ शानु पठाण आणि राष्ट्रवादी चे नगरसेवक विकास कामे होत नसल्याच्या मुद्द्यावरून चांगलेच आक्रमक झाले. दरम्यान महापालिका विरोधी पक्षनेते अशरफ शानु पठाण यांनी महासभा सुरु असतांना मुंब्रा भागातील पाणी प्रश्नावर महापौर नरेश म्हस्के यांच्या समोर झोपुन जोरदार घोषणाबाजी करायला सुरुवात केली. सत्ताधारी शिवसेना आणि महापालिका प्रशासन नेहमीच आमचा आवाज दाबण्याचा प्रयत्न करते तसच आमच्या प्रभागातील विकासकामे होऊ देत नाही असा आरोप करत राष्ट्रवादी च्या नगरसेवकांनी हे आंदोलन केले.

यादरम्यान भाजप ने देखील संधी साधत आम्ही दोघे भाऊ भाऊ आम्ही सर्व मिळुन खाऊ, महाआघाडीत झाली बिघाडी अशा घोषणा देत शिवसेना राष्ट्रवादी च्या नगरसेवकांना डीचावायला सुरुवात केली. महासभेत २० मिनिट सत्ताधारी आणि विरोधक असा मोठा गोंधळ यावेळी पाहायला मिळाला. आजच्या या गोंधळामुळे राज्यातील महाविकास आघाडीत मांडीला मांडी लावुन सत्तेत असलेली शिवसेना आणि राष्ट्रवादी मात्र ठाण्यात एकमेकांच्या विरोधात असलेली पाहायला मिळतेय.