मुंबई : नोटबंदीनंतर पेटीएम यांसारख्या युपीआय अॅप्सला सुगीचे दिवस आले. सरकारने देखील डिजिटल व्यवहारांवर अधिक भर दिल्याने युपीआय अॅपचा वापर करणाऱ्यांची संख्या बरीच वाढली. प्रत्येक स्मार्टफोन युजर हे अॅप वापरू लागले.

वाचा कोणत्या अॅपने टाकले आहे फेसबुकलाही मागे! 

सुट्टे पैसे देण्याच्या त्रासातून मुक्तता करणारे हे अॅप बऱ्याच प्रकारची सुट देखील देऊ लागल्याने लोक हे अॅप वापरू लागले. मात्र या सर्व अॅप्समुळे बँके संबधित सर्व खाजगी माहितीही इंटरनेटवर आपण कळत नकळत देऊ लागलो आणि यातूनच जन्माला आले आॅनलाईन गुन्हे. असाच एक आॅनलाईन गुन्हा ठाण्यातून समोर आला असून यात पेटीएम अॅपची केवायसी पूर्तता करणे एका बड्या अधिकाऱ्याला चांगलेच महाग पडले आहे. 

भेटा यावर्षी सर्वाधिक सर्च करण्यात आलेल्या अभिनेत्रीला

हा व्यक्ती एका मोठ्या खासगी कंपनीत "मॅनेजिंग डायरेक्‍टर' पदावर कार्यरत असून प्रफुल्ल गोवंडे असे या त्य़ाचे नाव आहे. प्रफुल्ल यांना दोघा भामट्यांनी वारंवार संपर्क साधून ऑनलाईन व्यवहारासाठी नव्या अॅपच्या मोहात पाडून त्यांची 13 लाख रुपयांची फसवणूक केली. हा प्रकार 23 व 24 डिसेंबर या कालावधीत घडला. याप्रकरणी वर्तकनगर पोलिस ठाण्यात गुन्हा दाखल करण्यात आला आहे. ठाण्यात राहणारे गोवंडे यांच्या मोबाईलवर 23 डिसेंबरला पेटीएम अद्ययावत करण्याबाबत संदेश आला. हा संदेश रोहित शर्मा नामक भामट्याने पाठवला होता.

रोहित याने मोबाईलवर संपर्क साधून पेटीएममधून बोलत असल्याची बतावणी केली. गोवंडे यांनी त्याकडे दुर्लक्ष केले. काही वेळाने पुन्हा राहुल शर्मा असे नाव सांगणाऱ्या भामट्याने मोबाईलवर संपर्क साधून ऑनलाईन व्यवहार करण्याच्या एका अॅपमध्ये माहिती अद्ययावत करण्यास सांगितले. त्यासाठी "क्‍यूएस' नावाचे अॅप डाऊनलोड करण्यास भाग पाडले. 

यासाठी केवळ एक रुपया चार्ज क्रेडिट कार्डऐवजी डेबिट कार्डने भरण्यास भामट्याने सांगितल्याने गोवंडे यांनी यावर विश्‍वास ठेवला. तसेच "क्‍यूएस' ऍपवर आपली माहिती अद्ययावत केली; मात्र त्यानंतर दोन दिवसांत त्यांच्या दोन बॅंक खात्यांतून 13 लाख नऊ हजार 911 रुपये वळते झाले. आपली फसवणूक झाल्याचे लक्षात आल्यानंतर त्यांनी वर्तकनगर पोलिस ठाण्यात तक्रार दाखल केली. 

web title : Shocking! Careful for Paytm users