मुंबई: सुमारे एक लाख चार हजार कर्मचारी असलेल्या एसटी महामंडळाचे आतापर्यंत 386 कर्मचाऱ्यांना कोव्हिडचा संसर्ग झाला होता. त्यापैकी 280 कर्मचारी कोरोना मुक्त झाले असून आपल्या कर्तव्यावर रुजू होण्यासाठी सज्ज झाले आहेत. तर, 96 कर्मचारी रूग्णालयात उपचार घेत आहे. आतापर्यंत 11 कर्मचाऱ्यांना कोरोना संसर्गामुळे मृत्यू झाला आहे.
कोरोनाच्या पार्श्वभूमीवर 23 मार्चपासून मुंबई महानगरात अत्यावश्यक सेवेतील कर्मचाऱ्यांची ने-आण करण्याची जबाबदारी शासनाने एसटी महामंडळावर टाकली होती. त्यामूळे गेल्या तीन महिने सुमारे 2000 कर्मचारी दररोज 800 फेऱ्यांंद्वारे 15 हजार अत्यावश्यक सेवेतील कर्मचाऱ्यांची ने-आण करीत आहेत. यादरम्यान, एसटीच्या मुंबई व ठाणे विभागातील सर्वाधिक कर्मचाऱ्यांना करोनाची लागण झाली. दिलासादायक म्हणजे बरे झालेल्या रूग्णांमध्ये ठाणे विभागातील कर्मचाऱ्यांची संख्या सर्वाधिक असून तेथील 139 रुग्णांपैकी 126 रुग्ण कोव्हिड मुक्त झाले आहेत.
एसटी महामंडळानेही खबरदारीचा उपाय म्हणून कर्तव्यावरील प्रत्येक चालक-वाहकाला मास्क, सॅनिटायझर तसेच, प्रतिकार शक्ती वाढविण्यासाठी आयुष मंत्रालयाने सुचवलेल्या अर्सनिक-30 या होमिओपथिक औषधाच्या गोळ्या दिल्या आहेत.
-----------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.