मुंबई : मध्य रेल्वे मार्गावरील सीएसएमटी ते अमरावतीदरम्यान सुपरफास्ट दैनिक विशेष रेल्वे चालविण्यात येणार आहे. ही (02111) सुपरफास्ट विशेष रेल्वेगाडी मंगळवार, 26 जानेवारीपासून सुरू होणार आहे. ही गाडी छत्रपती शिवाजी महाराज टर्मिनस येथून रोज सायंकाळी 7.55 वाजता सुटेल व दुसऱ्या दिवशी सकाळी 7.55 वाजता अमरावतीला पोहोचेल. ही गाडी (02112) सोमवार, 25 जानेवारीला अमरावती येथून रोज 7.10 वाजता सुटेल आणि सीएसएमटीला दुसऱ्या दिवशी सकाळी 6.15 वाजता पोहोचेल.
या गाडीला दादर, ठाणे, कल्याण, नाशिक रोड, जळगाव, भुसावळ, मलकापूर, नंदुरा, शेगाव, अकोला, मूर्तिजापूर आणि बडनेरा येथे थांबे देण्यात आले आहेत. या विशेष गाडीसाठी आरक्षण सामान्य दरानुसार शुक्रवार (ता. 22) पासून सर्व संगणकीकृत आरक्षण केंद्रांवर आणि www.irctc.co.in या संकेतस्थळावर सुरू होईल. या गाडीतून केवळ आरक्षित तिकीट असलेल्या प्रवाशांना चढण्याची परवानगी देण्यात आली आहे. प्रवाशांना बोर्डिंग, प्रवासादरम्यान आणि गंतव्य स्थानाच्या वेळी कोरोना नियमांचे पालन करावे, असे आवाहन मध्य रेल्वे प्रशासनाने केले आहे.
Special train from Mumbai to Amravati Reservation on IRCTC website soon
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.