मुंबई : प्रवाशांना बस स्थानकांवरील (bus stop) टिव्ही संचावर आणि मोबाईल अॅप मध्ये बसच्या (bus information on application) प्रवासासंदर्भातील अद्यावत माहिती देण्याचा दावा एसटी महामंडळाने (ST bus corporation) केला होता. मात्र, मुंबई विभागातच व्हिटीएस यंत्रणा (VTS technology) कुचकामी ठरत आहे. बसेसमध्ये व्हिटीएस प्रणालीवर चालवण्याचे प्रशिक्षण एसटी कर्मचाऱ्यांना (bus employee) नसल्याने अनेकवेळा बसेसची अद्यावत माहिती आॅनलाईन पद्धतीने (online) उपलब्ध होत नसल्याचे महामंडळाकडे प्रवाशांकडून तक्रारी करण्यात आल्या आहे.

व्हिटीएस प्रणालीमूळे एसटी प्रवाशांची बस स्थानकांवर जाऊन चौकशी करण्याची डोकेदुखी बंद होणार तर बस येण्याची, जाण्याची आणि सुटण्याच्या वेळेसह बसची सध्यास्थिती सुद्धा या व्हिटीएस प्रणालीमूळे प्रवाशांना बसल्या ठिकाणी पाहता येणार आहे. त्यासोबतच आजुबाजूला जवळचे एसटी बस स्थानक शोधण्यासाठी सुद्धा व्हिटीएस प्रणालीचे एॅप प्रवाशांसाठी फायद्याचे ठरणार असल्याचे एसटी महामंडळाने दावा केला होता.

महामंडळाच्या 30 विभागातील 250 आगारांमध्ये एकूण 16 हजार 505  बस मध्ये व्हिटीएस यंत्रणा बसविण्यात आले आहे. मात्र, मुंबईप्रमाणेच राज्यातील अनेक विभागात कर्मचाऱ्यांना या यंत्रणेचे प्रशिक्षणच नसल्याने यंत्रणेचे तिनतेरा वाजले आहे. एसटी कर्मचाऱ्यांची शैक्षणिक पात्रता फार जास्त नाही परिणामी अद्यावत यंत्रणेची फार माहिती नसते. नवनवीन यंत्रणेचे प्रशिक्षण दिले जात नसल्याने त्याचा वापर करण्यात अडचणी येते त्यामुळे वेळोवेळी अशा यंत्रणांचे प्रशिक्षण दिल्यास कर्मचाऱ्यांना योग्य काम करता येईल असे नाव न लिहिण्याच्या अटीवर एसटी कर्मचार्यांनी सांगितले.