मुंबई- विधानसभा अध्यक्ष राहुल नार्वेकर यांनी सेंट जॉर्जेस हॉस्पिटलला सरप्राईज भेट दिली. यावेळी हॉस्पिटलची दुरावस्था पाहून त्यांनी नाराजी व्यक्त केली. तसेच अधिकाऱ्यांना झापलं. हॉस्पिटल आहे की मस्करी? असं म्हणत त्यांनी अधिकाऱ्यांना झापल्याचं सांगितलं जातं. नार्वेकर यांनी अचानक दिलेल्या भेटीमुळे अधिकारी आणि डॉक्टरांची तारांबळ उडाल्याचं यावेळी पाहायला मिळालं.

राहुल नार्वेकरांनी अचानक हॉस्पिटलमध्ये भेट दिल्याने तेथील दुरावस्था समोर आली. नार्वेकरांना तेथील अवस्था पाहून धक्काच बसला. काही ठिकाणी कुत्री झोपली होती, तर कुठे वैद्यकीय कचरा तसाच उघड्यावर ठेवण्यात आला होता. हे सर्व पाहून नार्वेकर संतापले. त्यांनी अधिकाऱ्यांना चांगलेच फैलावर घेतल्याचं यावेळी पाहायला मिळालं. ( st george hospital mumbai Rahul Narvekar surprise visit)

कुत्री बित्री हे सर्व काय आहे? प्राण्यांचे हॉस्पिटल आहे की माणसांचे हॉस्पिटल आहे? हे काय लावलंय? हॉस्पिटल आहे की मस्करी आहे? प्राण्यांचे हॉस्पिटल वाटायला लागलंय मला. असं चालणार नाही, असं म्हणत त्यांनी अधिकाऱ्यांना झापलं. यावेळी अधिकाऱ्यांनी सारवासारव करण्याचा प्रयत्न केल्याचं पाहायला मिळालं. (Latest Marathi News)