मुंबई : एसटी महामंडळातील (ST authorities) निवृत्त कर्मचाऱ्यांचा (retired employee) आपल्या निवृत्तिनंतरच्या वेतनाच्या प्रतिक्षेतच मृत्यू (death) होत असून, एसटी महामंडळाच्या नवनवीन परिपत्रकांमुळे झालेल्या गोंधळामुळे निवृत्ती वेतनामध्ये अडचणी निर्माण झाल्या असून त्यामुळे मुंबई (Mumbai), रायगड, पालघर विभागात आतापर्यंत 400 निवृत्त कर्मचारी निवृत्ती वेतनापासून वंचित असून, त्यापैकी 11 जणांचा निवृत्ती वेतनाच्या प्रतिक्षेतच मृत्यू झाला आहे. ( ST workers from Mumbai raigad palghar dyeing before getting retired salary amount-nss91)

एसटी महामंडळातून निवृत्त होणाऱ्या कर्मचाऱ्यांना निवृत्तीनंतर नियमानुसार ग्रॅज्युईटीची रक्कम, भविष्य निर्वाह निधी निवृत्ती दरम्यान जमा असलेल्या सुट्यांचे पैसे आणि करारातील एरिअर्सचा लाभ मिळतो. परंतु महामंडळाकडून निवृत्ती होणाऱ्या कर्मचाऱ्यांना ग्रॅज्युईटीची रक्कम, पी.एफ निवृत्तीनंतर काही महिन्याच्या आत मिळत असली तरी त्यांच्या हक्काचे शिल्लक सुट्ट्यांचे एरिअर्सची रक्कम आणि निवृत्ती वेतन गेल्या अनेक वर्षांपासून रखडल्याचा आरोप एसटीच्या कर्मचारी संघटनांकडून केला जात आहे.

"एस. टी. प्रशासनाच्या गलथान कारभारामुळे निवृत्त कर्मचाऱ्यांना पेन्शन मिळण्यास अडचणी निर्माण झाल्या असून निवृत्त कर्मचाऱ्यांची अवहेलना सहन केली जाणार नाही."

- श्रीरंग बरगे, सरचिटणीस, महाराष्ट्र एस. टी.कर्मचारी काँग्रेस