मुंबई : कोरोनाच्या पार्श्वभूमीवर राज्यात लाॅकडाऊन असल्याने रेल्वेची सेवा बंद झाली आहे. रेल्वेवर अवलंबून असलेल्या दिव्यांगाची आता उपासमारीची वेळ आली आहे. दिव्यागांचे व्यवसाय बंद असल्याने आर्थिक संकटामूळे घराचे भाडे, विजबिल व त्यांच्या कुटूंबांच्या दैनंदिन गरजा, आरोग्य, मुलांच्या शाळेच्या फी थकली आहे. त्यामूळे राज्य सरकारने पाच हजार रुपयांची आर्थीक मदत करावी अशी मागणी  निर्धार विकलांग विकास सामाजीक संघाने मुख्यमंत्री उद्धव ठाकरे यांना निवेदन पाठवून केली आहे. 

बनावट कागदपत्रांद्वारे बॅंकेची कोट्यवधीची फसवणूक; पोलिस ठाण्यात तक्रार दाखल

कोरोनाच्या पार्श्वभुमीवर मुंबई उपनगरातील रेल्वे सेवा बंद आहे. त्यामूळे रेल्वे आणि स्टेशन मार्गांवर काम करणाऱ्या आणि लोकलमधून विविध साहित्य विक्री करणाऱ्या दिव्यांगांवर उपासमारीची वेळ आली आहे. ताळेबंदीच्या काळात दिव्यांगांना राज्य शासनाकडुन आतापर्यंत कसलीही मदत मिळाली नसून दिव्यांगांना तातडीने आर्थिक गरज असल्याचे दिव्यांगासाठी काम  करणाऱ्या निर्धार विकलांग विकास सामाजीक संघाने सांगितले आहे. 

मुंबईकरांनो, गणेशोत्सवासाठी कोकणात जाताय? मग ही बातमी तुमच्यासाठी महत्वाची

दिव्यांग बांधव टाळेबंदीचे पालन करीत घरात बसून आहे. त्यांचा रोजगार बंद पडला असल्याने, दुसरा कोणताही उपजिविकेचे साधन नाही. त्यामुळे दिव्यांग हवालदिल झाले आहे. गेल्या पाच महिन्यापासून अद्याप लाॅकडाऊन काळ सुरूच असल्याने, दिव्यांगांना जगने मुश्किल झाले आहे. त्यात सरकारकडून कसलीही आर्थिक मदत न मिळाल्यामुळे दिव्यांगांचे कुटूंब उपासमारीकडे वाटचाल करीत आहे. 

मी स्वतः 74 टक्के दिव्यांग असून घाटकोपर येथे भाड्याच्या घरात रहात असून गेले 5 महिने आर्थीक संकटात आहे. राज्य शासनाकडुन कसलीही मदत मिळालेली नाही. त्यातच 5 महिन्याचे घरभाडे व विज बिल भरायचे बाकी आहे. तर असे अनेक दिव्यांग बांधव उपासमारीने बेजार झालेले आहेत. अपंगांना जर मदत मिळाली नाही तर कदाचित अपंग देखील शेतकऱ्यांसारखे आत्महत्या करण्यासारखे पाऊल उचलतील 
- नितीन गायकवाड, दिव्यांग