मुंबई : राज्यातल्या द्राक्ष उत्पादकांकडून मोठ्या प्रमाणावर उत्पादित केल्या जात असलेल्या वाइनचा खप वाढावा म्हणून राज्य सरकारने वाईन धोरणाची घोषणा केली होती. विरोधकांनी या धोरणाच्या विरोधात सडकून टीका करण्यात आली, मात्र राज्य सरकारने या धोरणाच्या संदर्भात 31 मार्च रोजी अधिसूचना जारी केली असून, वाईन धोरणात आता सर्वसामान्यांची मत घेतली जाणार आहे. सुपर मार्केटमध्ये मांडणी किंवा शेल्फदार सीलबंद बाटलीमध्ये वाईन विक्री परवाना देऊन वाइनची विक्री करण्यासाठी सर्वसामान्यांना 29 जून पर्यंत राज्य उत्पादन शुल्क विभागाला आपले मत कळवता येणार आहे.
वाईन धोरणाच्या विरोधात विरोधकांनी महाविकास आघाडीवर टोकाची टीका केली होती. मात्र यामध्ये सर्वसामान्य नागरिकांचे मत आता निर्णायक ठरणार आहे. या मसुद्यात सुधारणा करण्यासंदर्भात नागरिकांनी 29 जून पर्यंत हरकती किंवा सूचना पाठविण्याचे आवाहन राज्य उत्पादन शुल्क विभागाचे आयुक्त यांनी केले आहे.
या हरकती किंवा सूचना 29 जून अखेरपर्यंत किंवा त्यापूर्वी आयुक्त, राज्य उत्पादन शुल्क, विभागाला टपालाद्वारे अथवा dycomminspection@mah.gov.in या ई-मेल वर नोंदविण्यात येणार आहे. राज्य सरकार ने वाईन धोरणाची अधिसूचनाचा मसूदा राज्य उत्पादन शुल्क विभागाचे संकेतस्थळवर सुद्धा टाकला असल्याचे उत्पादन शुल्क विभागाने सांगितले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.