Cricket World Cup Usa: मायदेशात होत असलेल्या ट्वेन्टी-२० विश्वकरंडक क्रिकेट स्पर्धेसाठी अमेरिकेने आपला संघ जाहीर केला असून त्यात सौरव नेत्रावलकर आणि हरमीत सिंग हे दोन मुंबईकर खेळाडू आहेत. न्यूझीलंडकडून विश्वकरंडक खेळलेल्या कॉरी अँडरसनचाही समावेश करण्यात आला आहे.

२०१५ मध्ये ऑस्ट्रेलियात झालेल्या एकदिवसीय विश्वकरंक अंतिम सामन्यात ३३ वर्षीय अँडरसन न्यूझीलंडकडून खेळला होता. त्यानंतर त्याने दोन ट्वेन्टी-२० विश्वकरंडक स्पर्धेतही न्यूझीलंडचे प्रतिनिधित्व केले आहे.(t20 squad Usa)

सौरव नेत्रावलकर आणि हरमीत सिंग हे भारताच्या १९ वर्षांखालील विश्वकरंडक स्पर्धेतही खेळलेले आहेत. अशाच १९ वर्षांखालील विश्वकरंडक विजेत्या संघाचा माजी कर्णधार उन्मुक्त चंद भारतात संधी मिळत नसल्यामुळे अमेरिकेच्या या संघातून प्रयत्नशील होता; परंतु त्याला तेथेही संधी मिळाली नाही.

मोनांक पटेल (कर्णधार), अॅरॉन जोन्स (उपकर्णधार), स्टीवन टेलर, कॉरी अँडरसन, सौरभ नेत्रावलकर, जेसी सिंग, हरमीत सिंग, नॉश्टुश केन्जिगे, शेडली व्हॅन शाल्क्विक, नितीश कुमार, अँड्रिज गॉस, शायन जहांगीर, अली खान, निसर्ग पटेल, मिलिंद कुमार