मुंबई : टाट मोटार्स कंपनीतर्फे कंत्राटी कामगार, लॉकडाऊनमुळे वेगवेगळ्या ठिकाणी अडकलेले नागरिक, झोपडीवासी, मदत छावण्यांतील व्यक्ती, ग्रामस्थ, वाहनचालक, सुरक्षा दले आदींना जेवण व अन्नधान्याची हजारो पाकिटे पुरवण्यात आली आहेत. पुण्यातील 19 पोलिस चौक्यांसाठी शुद्ध पाण्याची व्यवस्था करण्यात आली आहे. त्याचबरोबर ट्रकचालकांची आरोग्य तपासणी, झोपडपट्ट्यांत आरोग्याबाबत जनजागृती आदी उपक्रम राबवले जात आहेत. बचत गटांनी बनवलेले 17 हजार मास्क रुग्णालये, विक्रेते, पोलिसांना देण्यात आले आहेत. त्याचप्रमाणे सरकारी रुग्णालयांना एन-95 मास्क, सॅनिटायझर व वैयक्तिक सुरक्षा उपकरणे पुरवण्यात आली आहेत.
एबी इनबेव्हचा हातभार
कोरोनाचा प्रादुर्भाव रोखण्यासाठी अथक प्रयत्न करणारे डॉक्टर, परिचारिका, पोलिस व इतर कर्मचाऱ्यांबद्दल एबी इनबेव्ह कंपनीने कृतज्ञता व्यक्त केली आहे. कंपनीतर्फे महाराष्ट्र, हरियाना व दिल्लीत 30 हजार लिटर सॅनिटायझर उपलब्ध करून दिले असून, महाराष्ट्रासाठी 25 हजार एफएफपीटू मास्क दिले आहेत. या मदतीचा या तीन राज्यांमधील 15 लाख कर्मचाऱ्यांना फायदा होईल, असे कंपनीच्या दक्षिण आशिया विभागाचे अध्यक्ष कार्तिकेय शर्मा यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.