मुंबई- राज्यातील महिला अत्याचारांवर आळा घालण्यासाठी ठाकरे सरकार कठोर कायदे आणण्याच्या तयारीत आहे. मंत्रीमंडळाच्या आजच्या बैठकीत हा निर्णय घेण्यात आला. मसूदा मंजूरीच्या तयारीत आहे. येत्या हिवाळी अधिवेशनात या कायदा पारित करणार असल्याची माहिती एका खासगी वृत्त वाहिनीने दिली आहे 

अनेक दिवसांपासून राज्यातील महिला अत्याचारांना अळा घालणारा एखादा सर्वंकश कायदा असावा अशी चर्चा सुरू होती. शक्ती असं या कायद्याचं नाव आहे. या कायद्यात अत्यंत कठोर तरतूदींचा सामावेश करण्यात आला आहे. येत्या हिवाळी अधिवेशनातच हा कायदा मंजूरीसाठी येऊ शकतो अशी माहिती मिळत आहे.

लालबाग सिलेंडर स्फोट: मृतांच्या कुटुंबियांना मुख्यमंत्री सहायता निधीतून मदत
 

असा असू शकतो प्रस्तावित शक्ती कायदा,

• महाराष्ट्रातील महिला अत्याचारांच्या प्रकरणात २१ दिवसांमध्ये आरोपपत्र दाखल करुन खटला चालवून आरोपींना शिक्षेपर्यंत पोहोचवण्यासाठी मुदत देण्यात येणार आहे.
• हिलांवरील अॅसिड हल्ले आणि बलात्कारासारखे गुन्हे अजामिनपात्र करण्यात येणार
• महिलांचा जर ई-मेल, इलेक्ट्रॉनिक मीडियातून किंवा मेसेजद्वारे छळ करण्यात आला तसेच त्यांच्यावर जर चुकीच्या पद्धतीची कमेंट करण्यात आली तर त्यासाठीही कडक शिक्षा होणार आहे. यासाठी दोन वर्षांसाठी तुरुंगवास आणि दंडाचाही समावेश आहे.
• सामुहिक बलात्कार किंवा बलात्कार प्रकरणात दुर्मिळात दुर्मिळ असं जर बलात्कार प्रकरण असेल तर त्यात मृत्यूदंडाची शिक्षा.