ठाणे : आपल्याच क्रीडा विद्यार्थीनीवर बलात्कार केल्याप्रकरणी एका ३१ वर्षीय क्रीडा प्रशिक्षकाला अटक करण्यात आली आहे. ही घटना मुंबईतील डोंबिवलीत घडली असल्याची माहिती पोलिसांनी दिली आहे.

(Thane 31 Year Old Coach Held for Raping Student)

सदर प्रकरणाची माहिती देताना मानपाडा पोलिस ठाण्याच्या अधिकाऱ्याने सांगितले की, प्रशिक्षक आणि सदर फिर्यादी विद्यार्थीनी २०१४ पासून एकमेकांना ओळखतात. मुलगी आरोपीकडे क्रीडा प्रशिक्षण घेत होती. त्यांची जुनी ओळख असल्याने आरोपीने तीला लग्नाचे आमिष दाखवून तीच्यावर वारंवार बलात्कार केल्याचं पोलिसांनी सांगितलं.

त्यानंतर मुलीने आरोपीला जाब विचारल्यावर याप्रकरणी कुणालाही न सांगण्याची धमकी दिली. नाहीतर बलात्कार केल्यानंतर पीडितेचे आक्षेपार्ह छायाचित्रे सोशल मीडियावर व्हायरल करण्याची धमकी त्याने मुलीला दिली होती. त्यानंतर मुलीने रविवारी पोलिसांत तक्रार दाखल केली. त्यानुसार पोलिसांनी सदर ३१ वर्षीय आरोपीवर गुन्हा दाखल करत त्याला अटक केली आहे.

सदर गुन्ह्याचा तपास सुरु असल्याची माहिती पोलिसांनी दिली आहे.