ठाणे : ठाण्यातील (Thane) खासगी रुग्णालयांसह सरकारी रुग्णालयांनी (Hospital) महात्मा फुले जनआरोग्य योजना राबवीत अनेक रुग्णांना दिलासा देण्याचे काम केले आहे. त्यात ठाणे जिल्हा सामान्य रुग्णालयाने (Hospital) मागील दीड वर्षात एक हजार ११५ रुग्णांना या योजनेचा लाभ देत, जिल्ह्यात शासकीय रुग्णालयात अव्वल स्थान मिळविले आहे. याची दखल घेत, जिल्हा सामान्य रुग्णालयाला ‘ब्रांझ’‘ (Bronze’) पुरस्काराने (Rewards) सन्मानित करण्यात आले आहे. ठाणे (Thane) जिल्ह्यात १० शासकीय रुग्णालये आहेत. त्यात ठाणे जिल्हा सामान्य रुग्णालय प्रशासनाने महात्मा जोतिराव फुले (Mahatma Jotirao Phule) योजनेंतर्गत एक हजार ११५ रुग्णांना या योजनेचा लाभ देत, दिलासा देण्याचे काम केले.

जिल्हा रुग्णालयाने केलेल्या कामाची दखल घेत १५ ऑगस्ट रोजी पालकमंत्री तथा नगरविकास मंत्री एकनाथ शिंदे यांच्या हस्ते ब्रांझ पुरस्काराने सन्मानित करण्यात आला. जिल्ह्यातील शासकीय कोविड रुग्णालयातील उल्हासनगर येथील मध्यवर्ती रुग्णालय ३ येथे १३२, मध्यवर्ती रुग्णालय ४ येथे २४, प्रादेशिक मनोरुग्णालयात ३८, ग्रामीण रुग्णालय शहापूर येथे पाच; तर पंडित भीमसेन जोशी रुग्णालयात ६४३ रुग्णांवर उपचार करण्यात आले असल्याची माहिती जिल्हा प्रशासनाने दिली.