ठाणे : ऑनलाईन शॉपिंगच्या (online shopping) माध्यमातून ई-टेलर वेबसाईटच्या डिलिव्हरी बॉयची फसवणूक (fraud crime) करणाऱ्या तीन अट्टल गुन्हेगारांस (three culprit arrested) कासारवडवली पोलिसांनी अटक केलीय. डिलिव्हरी बॉयने आणलेले महागडे इलेक्ट्रॉनिक गॅजेट्स बदलून त्याच पार्सलमध्ये सोपबार ठेवून कंपनीला फसवण्याचं काम हे तिघे आरोपी करत होते. नगऱ्या उर्फ किरण बनसोडे (२५), दिपक चौधरी उर्फ मनजीत सिंग (२२) आणि रॉबिन अरुजा (२६) अशी अटक करण्यात आलेल्या आरोपींची नावे आहेत. महाराष्ट्र, मध्यप्रदेश, केरळ आणि गुजरातमध्येही त्यांनी फसवणूकीचे गुन्हे केले आहेत. असं वृत्त टाईम्स ऑफ इंडियानं दिलं आहे. (kasarvadavali police arrested three culprit in online shopping fraud crime)

पोलिसांनी दिलेल्या माहितीनुसार, हे तिघे आरोपी वेगवेगळ्या सिम कार्डचा वापर करुन इ-टेलर वेबसाईटवर महागडे इलेक्ट्रॉनीक्स ऑर्डर करायचे. डिलिव्हरी बॉय पार्सल घेवून आल्यावर त्याला किंमतीपेक्षा कमी रोख रक्कम द्यायचे.

त्यामुळं डिलिव्हरी बॉय पैसे मोजण्यात व्यस्त व्हायचे. त्यावेळी एक जण पार्सल आणलेले गॅजेट्स काढून त्यात सोपबार ठेवून पुन्हा तेच पार्सल सिलबंद करायचे. या तिनही आरोपींनी यापूर्वीही फसवणुकीचे गुन्हे केले आहेत.