Thane Murder News: अंबरनाथच्या पूर्व भागातील पालेगाव परिसरात राहणाऱ्या विकी लोंढे (२७) याने अज्ञात कारणाने पत्नीचा चाकूने गळा चिरून हत्या केल्याचा प्रकार घडला आहे. घटनेनंतर विकी लोंढे फरार असल्याचे पोलिसांनी सांगितले.

याबाबत शिवाजीनगर पोलिसांकडून मिळालेल्या माहितीनुसार विकी लोंढे याचे पत्नीसोबत चार वर्षांपूर्वी लग्न झाले होते; मात्र दोघांमध्ये नेहमीच भांडणे होत होती. असेच भांडण या दोघांमध्ये ८ ऑक्टोबर रोजी सायंकाळी सहा वाजण्याच्या सुमारास झाले व त्यातूनच विकी याने घरातील चाकूने पत्नीच्या गळ्यावर वार करून तिची हत्या केली. हत्या केल्यानंतर विकी हा फरार झाला आहे. शिवाजीनगर पोलिस ठाण्यात खुनाचा गुन्हा दाखल करण्यात आला आहे.