डोंबिवली - ठाणे पोलीस दलात कार्यरत असलेल्या पोलीस कर्मचाऱ्याने राहत्या घरात विष पिऊन आत्महत्या करण्याचा प्रयत्न केल्याची धक्कादायक घटना कल्याण मध्ये घडली. विकास माने असे पोलीस कर्मचाऱ्याचे नाव आहे.

सध्या विकास याच्यावर खासगी रुग्णालयात उपचार सुरू आहेत. कौटुंबिक वादातून विकास याने हे पाऊल उचलल्याचे बोलले जात आहे. याप्रकरणी महात्मा फुले चौक पोलीस ठाण्यात नोंद करण्यात आली असून पोलीस तपास करत आहेत.

कल्याण पश्चिमेकडील बिर्ला कॉलेज रोडवरील शंकेश्वर कृपा इमारतीमध्ये विकास माने आपल्या कुटुंबासह राहण्यास आहेत. विकास हे ठाणे पोलीस दलात कार्यरत आहेत. सोमवारी सकाळच्या सुमारास विकास यांनी राहत्या घरात विष प्राशन करून आत्महत्या करण्याचा प्रयत्न केला.

घटनेची माहिती मिळताच विकास चे नातेवाईक व त्याच्या मित्राने त्याला रुग्णालयात दाखल केले. त्यांच्यावर रुग्णालयात उपचार सुरू आहेत. विकास व त्याच्या पत्नीचे वाद सुरू असून विकास यांना वारंवार धमकी व दबाव टाकला जात असल्याने त्याने आत्महत्याचे पाऊल उचलत आरोप विकास यांच्या नातेवाईकांनी केलाय. याप्रकरणी महात्मा फुले पोलिसांनी तपास सुरू केला आहे.

दरम्यान या घटनेमुळे एकच खळबळ उडाली आहे. या प्रकरणी पोलिसांनी सखोल तपास करन्याची मागणी पोलिसांनी बॉइज संघटनेचे उमेश भारती यांनी केली आहे.