डहाणू : पश्चिम रेल्वेवरील डहाणू येथे मालगाडीचा एक डबा रेल्वे रुळावरून घसरला. आज सकाळी ९.५० वाजता पश्चिम रेल्वेच्या डहाणू यार्ड येथे ही घटना घडली. यामध्ये जीवितहानी झाली नाही. डबे रिकामे असल्याने जास्त नुकसान झाले नसल्याची माहिती पश्चिम रेल्वेने दिली.
डहाणूतील थर्मल प्लांटमधून सकाळी मालगाडी येत होती.
गाडी डहाणू यार्ड येथे आली असता एक डबा रेल्वे रुळावरून घसरला. या अपघातामुळे लोकल सेवेवर कोणताही परिणाम झाला नाही, असे पश्चिम रेल्वे प्रशासनाने सांगितले. घटनेची माहिती मिळताच सकाळी ९.५५ वाजता अभियांत्रिकी पथक घटनास्थळी पोहचले. त्यांनी घसरलेल्या डब्याची पाहणी केली. त्यानंतर डबा रेल्वे रुळावरून बाजूला काढण्याचे आणि रूळ दुरुस्ती सुरू झाली. अपघातामध्ये जीवितहानी झाली नसली तरी याबाबतची चौकशी केली जात आहे, असे पश्चिम रेल्वे प्रशासनाने सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.