मुंबई : साईनगर दादर एक्सप्रेसमधून 18 हजार रुपयांचा मोबाईल चोरी करणाऱ्या चोराला साध्या वेषात असलेल्यापोलिसाने आणि आरपीएफ जवानाने नुकताच रंगेहाथ पकडले.

5 नोव्हेंबर रोजी गाडी क्रमांक 01132 साईनगर दादर एक्सप्रेसमधून नवी मुंबई येथे राहणारे कुमारकांत झा आणि त्यांचा मित्र प्रवास करत होते. पहाटे 4 वाजता गाडी ठाणे स्थानकात आली असताना कुमारकांत आणि त्याचा मित्र यांना जाग आली. यावेळी ते हातात मोबाईल घेऊन होते. यावेळी आरोपी जितेश बेनबन्सीने त्याच्या हातातून जबरीने मोबाईल हिसकून चालू गाडीतून उतरला.

आरोपी फलाटावरून धावत असताना कुमारकांत चोर-चोर असा आरडाओरडा केला. त्यावेळी फलाटावर असलेल्या साध्या वेषातील पोलिसाने आणि आरपीएफ जवानाने आरोपीला रंगेहाथ पकडले. तर, कुमारकांत यांना 18 हजार रुपयांचा मोबाईल मिळवून दिला.