मुंबई : प्रवाशांना (Passenger) तात्पुरत्या (Temporary) निवासासाठी ‘पॉड हॉटेल’ (Pod Hotel) उभे करण्याची संकल्पना (Idea) मांडण्यात आली होती; मात्र निविदा प्रक्रियेत दिरंगाई, कोरोना काळात (Corona Period) ठप्प झालेल्या कामांमुळे पॉड हॉटेल (Pod Hotel) उभे करण्यास अडचणी आल्या; मात्र आता पुन्हा कामाला सुरुवात (Start) झाली आहे. सप्टेंबर (September) अखेर मुंबई सेंट्रल (Mumbai Central) येथे देशातील पहिले ‘पॉड हॉटेल’ (Pod Hotel) उभे राहणार आहे.

‘आयआरसीटीसी’च्या वतीने पॉड हॉटेलची निर्मिती केली जात आहे. लांब पल्ल्याच्या गाड्यांतून प्रवास केल्यानंतर वा उपनगरीय रेल्वे प्रवास करणाऱ्यांना तात्पुरत्या निवासाची सोय येथे होणार आहे. कमी खर्चात आणि कमी जागेत आधुनिक डिझाईनचे पॉड हॉटेल बनवले जात आहे. सध्या या पॉड हॉटेलची तांत्रिक कामे, बांधकामे सुरू आहेत. या रूममध्ये अनेक जीवनावश्यक गरजेसह आधुनिक तंत्रज्ञानाच्या सुविधा मिळणार आहेत. या रूममध्ये प्रवाशांना कमाल १२ तासांची विश्रांती करता येणार आहे. आयआरसीटीसीकडून अशा ३० पॉड (रूम)ची उभारणी करण्यात येणार आहे. या कामासाठी अंदाजे एक कोटी ८० लाखांचा खर्च अपेक्षित आहे.

सुसज्ज, कमी जागा

पॉडची सर्वप्रथम संकल्पना जपान देशात मांडण्यात आली. जपानने येथील प्रवाशांना, कर्मचाऱ्यांना झोपण्यासाठी, विश्रांतीसाठी जागा मिळावी, यासाठी पॉडची निर्मिती करण्यात आली. पॉड हॉटेलमध्ये वायफाय, यूएसबी पोर्ट, टीव्ही, वातानुकूलन यंत्रणा असेल. हवेशीर जागा, डिझाईन असलेल्या नक्षी, सरकते दरवाजे, स्मोक डिटेक्टर अशा सुविधा असतील, अशी माहिती आयआरसीटीसी, पश्चिम क्षेत्राचे जनसंपर्क अधिकारी पिनाकिन मोरावाला यांनी दिली.