मुंबई: अनधिकृत फेरीवाल्यांवर (vendor) कारवाई करणाऱ्या ठाणे महापालिकेच्या सहाय्यक आयुक्त कल्पिता पिंपळे (kalpita pimple) यांच्यावर काल फेरीवाल्याने हल्ला (assault) केला. यामध्ये त्या जखमी झाल्या आहेत. या घटनेवर मनसे अध्यक्ष राज ठाकरे (raj thackeray) यांनी आज आपल्या पत्रकार परिषदेत संताप व्यक्त केला. "पोलिसांकडून सुटेल त्या दिवशी आमच्याकडून मार खाईल. यांची मस्ती उतरवली पाहिजे. ज्यादिवशी यांची सर्व बोट छाटली जातील. फेरीवाला म्हणून फिरता येणार नाही. त्यादिवशी त्यांना समजले. निषेध करुन हे लोक सुधारणारे नाहीत" अशा शब्दात आपला संताप व्यक्त केला.

"यांची हिंमत ठेचली पाहिजे. शासकीय अधिकाऱ्यांची बोटं छाटता. आज पकडलं, उद्या बेल होईल. पुन्हा दुसऱ्यांची बोटं छाटायला बाहेर. हफ्ते वसुली सारखे प्रकार होऊ नयेत, यासाठी सरकारने बंधनं आणली पाहिजेत" असं राज म्हणाले.

"आजपर्यंत बोट छाटायची हिंमत कोणाची झाली नव्हती आणि हे बेल वरती सुटणार. सुटून बाहेर आल्यावर यांना भीती काय असते ते समजेल ? असे राज ठाकरे म्हणाले. अण्णा हजारे मंदिर उघडण्यासाठी शंखनाद आंदोलन करणार आहेत, या प्रश्नावर 'अण्णा कुठे होते इतके दिवस?' असा प्रतिप्रश्न केला.