मुंबई : दक्षिण मुंबईतील प्रसिद्ध जपानी हॉटेलमधून  50 महागड्या दारूच्या बाटल्या व सुशी चाकूचा संच चोरल्याची घटना घडली आहे. याप्रकरणी ताडदेव पोलिसांनी हॉटेल व्यवस्थापकाविरोधात गुन्हा दाखल केला असून पोलिस अधिक तपास करत आहेत. 

राज्य सरकारने वीजबिलाबाबत 'दिल्ली पॅटर्न' राबवावा; कोणी केली ही मागणी वाचा

ताडदेव येथील रेसकोर्स येथील किबा हॉटेलमध्ये हा प्रकार घडला आहे. याप्रकरणी हॉटेलच्या तीन भागीदारांपैकी एक आफताब इक्बाल मून यांच्या तक्रारीवरून गुन्हा दाखल करण्यात आला आहे. तक्रारीनुसार, लॉकडाऊनमुळे मार्च महिन्यापासून हॉटेल बंद होते. 11 ऑगस्टला मून यांनी हॉटेलची पाहणी केली असता हॉटेलमधील 50 दारूच्या महागड्या बाटल्या व सुशी चाकूंचा संच, मायक्रोवेव व इतर वस्तू गायब असल्याचे त्यांच्या लक्षात आले.

... तर वाहने बँकेत जमा करू! खाजगी वाहतुकदारांचा इशारा; कर्ज फेडण्यात अडचणी 

चोरीच्या मालमत्तेची किंमत चार लाख 23 हजार रुपये आहे. त्यांनी सुरक्षा रक्षकाला याबाबत विचारले असता त्याने व्यवस्थापक जॅक्सन थम्पिट जॉन यांनी या वस्तू नेल्याचे सांगितले. त्यानंतर मून यांनी हा प्रकार दोन भागीदार नीति गोयल व रोनल रोचलानी यांना सांगितला. त्यांनी व्यवस्थापकाला दूरध्वनी करून वस्तूंबाबत विचारले असता त्यांने योग्य उत्तर दिले नाही. त्यानंतर व्यवस्थापकाने दूरध्वनी बंद केला. त्यानंतर मून यांनी  ताडदेव पोलिसांकडे तक्रार केली. त्यानुसार पोलिसांनी भादंवि कलम 381नूसार चोरीचा गुन्हा दाखल केला आहे.

-------------------------------------

संपादन - तुषार सोनवणे