मुंबई :  कोरोनावरील कोविशिल्ड वॅक्सिनची मानवी चाचणी देशभरातील 10 सेंटरमध्ये एकूण 1600 निरोगी लोकांवर एकाच वेळी घेतली जाणार आहे. मात्र, या चाचणीसाठी असंख्य अडथळे येत असल्याची माहिती समोर आली आहे.

महाड दुर्घटना टळली असती; बांधकाम व्यावसायिकाच्या दुर्लक्षामुळे हकनाक बळी

कोविशिल्ड वॅक्सिनच्या क्लिनिकल चाचणीसाठी एथिकल कमिटीने काही प्रश्न उपस्थित केले आहेत. त्या नुसार सिरम इन्स्टिटयूटला इन्शुरन्स बाबत विचारणा केली आहे. तर दुसऱ्या बाजूला आयसीएमआरला बजेट द्या अशी विचारणा करण्यात आली आहे. मुळात या वॅक्सिनकडे महत्वाकांक्षी प्रकल्पाप्रमाणे पहिले जात आहे. मात्र त्याला विलंब होत असल्याची खंत व्यक्त होत आहे. या वॅक्सिनसाठी एथिकल कमिटीचा हिरवा कंदील हवा आहे. मात्र, दोन प्रश्न उपस्थित केल्याने आता कोविशिल्ड वॅक्सिन क्लिनिकल चाचणीचे काय होणार ? या बाबत प्रश्न निर्माण झाला आहे. 

एथिकल कमिटीकडून दोन प्रश्न उपस्थित करण्यात आले आहेत. एथिकल कमिटीने गुरुवारी आयसीएमआर आणि सिरम इन्स्टिट्यूटला इन्शुरन्स आणि बजेट बाबत विचारणा केली आहे. अजून एक दोन दिवसात त्याचा रिप्लाय येईल. सिरम इन्स्टिट्यूटने इन्शुरन्सबाबतची सर्व माहिती एथिकल कमिटीला दिली पाहिजे. शिवाय, आयसीएमआरही बजेट सांगेल. त्यानंतर ते क्लिनिकल ट्रायल सुरु होईल. 

- डॉ. रमेश भारमल,
संचालक, पालिका प्रमुख रुग्णालये.

या मानवी चाचणीचा दुसरा-तिसरा टप्पा मुंबईतील पालिकेच्या केईएम आणि नायर रुग्णालयात होणार आहे. आयसीएमआरच्या सूचनांनुसार 10 सेंटर्समध्ये ही चाचणी घेतली जाणार आहे.