मुंबई : विधानपरिषद निवडणुकीच्या पार्श्वभूमीवर सध्या सर्वच पक्षाचे आमदार हॉटेलांमध्ये वास्तव्याला आहेत. शिवसेनेचे आमदारही सध्या वेस्टइन हॉटेलमध्ये आहेत. आपली मतं फुटू नयेत यासाठी सर्वपक्षांनी ही काळजी घेतली आहे. पण या सर्व प्रकारावर मुख्यमंत्री उद्धव ठाकरे यांनी भाष्य केलं आहे. आपल्याच आमदारांना एकत्र ठेवणं ही आजची लोकशाही आहे, अशी कोटी उद्धव ठाकरे यांनी केली आहे. (Today democracy is to keep our own MLAs together says Uddhav Thackeray)

उद्धव ठाकरे म्हणाले, आज आमदारांना या हॉटेलमध्ये आपण बडदास्त ठेवलीए यालाच लोकशाही म्हणतात. आपल्याच आमदारांना एकत्र ठेवणं ही आजची लोकशाही असेल पण उद्याच्या विधानपरिषदेच्या निवडणुकीत ते चांगल्यापद्धतीनं दिसलं पाहिजे. राज्यसभेत शिवसेनेचा एकही आमदार फुटलेला नाही. पण कोण गद्दार आहे हे आम्हाला कळलेलं आहे.