मुंबई : वर्सोवा- अंधेरी- घाटकोर या मेट्रो 1 च्या वेळांमध्ये सोमवार (ता.14) पासून वाढ करण्यात आली आहे. यामुळे दिवसभरातील फेऱ्यांची संख्या वाढणार आहेत.

लॉकडाउन शिथिल केल्यानंतर 19 ऑक्टोबरपासून मेट्रो 1 ची सेवा सुरू करण्यात आली. सध्या मेट्रो सकाळी 8.30 ते रात्री 8.30 या वेळेत सुरू आहे. या कालावधीत दिवसाला 200 फेऱ्या चालविण्यात येत आहेत. प्रवाशांच्या प्रतिसादानुसार 14 डिसेंबरपासून वाढ करण्यात येणार आहे. त्यानुसार वर्सोवा येथून घाटकोपरसाठी पहिली गाडी सकाळी  7.50, तर घाटकोपरहून वर्सोवासाठी सकाळी 8.15 वाजता सोडण्यात येणार आहे. वर्सोवाहून घाटकोपरसाठी शेवटची गाडी रात्री 8.50, तर घाटकोपरहून वर्सोवासाठी रात्री 9.15 ला सुटेल. यामुळे फेऱ्यांमध्ये वाढ होणार असून सहा ते आठ मिनिटांच्या वारंवारितेने मेट्रोच्या फेऱ्या वाढणार आहेत.

मुंबई परिसरातील बातम्या वाचण्यासाठी येथे क्लिक करा

नाताळ - नववर्षांसाठी विशेष गाड्या धावणार; मंगळवारपासून प्रवाशांना बुकिंगची सुविधा

मुंबई :  मध्य रेल्वे मार्गावर नाताळ आणि नववर्षांसाठी पर्यटनासाठी घराबाहेर पडणाऱ्या पर्यटकांसाठी विशेष गाड्या सोडण्यात येणार आहे. लखनऊ, प्रयागराज, रांची, तिरुनेलवेली,  दरम्यान या विशेष गाड्या चालवण्यात येणार आहे. विशेष ट्रेन क्रमांक 02107 आणि विशेष वातानुकूलित ट्रेन क्रमांक 02153 साठी 13 डिसेंबर रोजी तिकीट बुकिंग  सर्व संगणकीकृत आरक्षण केंद्रांवर आणि www.irctc.co.in या संकेतस्थळावर सुरू केले जाणार आहे.तर कन्फर्म तिकीट असणा-या प्रवाशांनाच या विशेष गाड्यांमध्ये प्रवास करण्याची परवानगी असणार आहे. त्यासोबतच प्रवाशांना बोर्डिंग, प्रवास आणि गंतव्यस्थानी कोविड-19  संबंधित सर्व निकषांचे पालन करावे लागणार आहे. 

------------------------------------------------------------

( संपादन - तुषार सोनवणे )