मुंबई: कोविड प्रतिबंधक लसींच्या पुरेशा साठ्याअभावी आज (03) जून या दिवशी मुंबईतील शासकीय आणि महानगरपालिका केंद्रांवर लसीकरण (vaccination at govt centeres) बंद राहणार आहे. लशींचा साठा (vaccine stock) ज्या प्रमाणात प्राप्त होईल, त्या अनुरूप योग्य निर्णय घेवून मुंबईकर नागरिकांना सातत्याने अवगत करण्यात येते. दरम्यान, उद्या दिवसभरामध्ये लससाठा प्राप्त होण्याची शक्यता आहे. (Today vaccination at govt centeres in mumbai is closed)

लस साठा उपलब्ध झाल्यानंतर लसीकरण-

लस साठा उपलब्ध झाल्यास पुढील दिवसांपासून लसीकरण पुन्हा सुरू करण्यात येईल. मुंबईकर नागरिकांनी महानगरपालिका प्रशासनाला सहकार्य करावे, असे आवाहन करण्यात आले आहे.

दरम्यान, बुधवारी फक्त 15 ते 20 हजार डोस पालिकेकडे शिल्लक होते. 50 लसीकरण केंद्रांवर झालेल्या मोहीमेअंतर्गत दिवसभरात 49,883 एवढ्या जणांचे लसीकरण केले गेले. यात खासगी लसीकरण केंद्रांवर झालेल्या लसीकरणाचाही समावेश आहे. हेल्थकेअर आणि फ्रंटलाइन वर्कर्सला दुसरा डोस दिला गेला.

तर, परदेशी जाणार्‍या 771 विद्यार्थ्यांचे लसीकरण केले गेले. आणि 101 स्तनदा मातांचे लसीकरण केले गेले. दरम्यान, गुरुवारी दिवसभर लसीकरण बंद राहणार आहे. त्यामुळे, नागरिकांनी लसीकरण केंद्रांवर गर्दी करु नये असे आवाहन पालिकेकडून करण्यात आले आहे.