मुरूड : काही रुग्ण अनावश्यक औषधांचे (Unwanted medicines) सेवन करतात. कालांतराने त्याचा परिणाम मूत्रपिंडावर (Impact on kidney) होऊन त्याचे नुकसान होते. त्यामुळे विनाकारण औषध घेऊ नका, असे आवाहन डॉ. तात्याराव लहाने (Dr Tatyarao lahane) यांनी केले. मुरूड येथील संजीवनी आरोग्य सेवा संस्थेस डॉक्टर लहाने यांनी भेट दिली, त्या वेळी ते बोलत होते.भारतात १२ टक्के नागरिकांना मधुमेहाची व्याधी आहे. साखरेची शरीरातील अनियमितपणा मूत्रपिंडावर परिणाम करते. त्यामुळे गोड पदार्थापासून दूर राहा. दररोज किमान पाच किलोमीटर चालले पाहिजे, असे आग्रही आवाहन त्यांनी केले.

या वेळी संजीवनी आरोग्य सेवा संस्थेचे कार्याध्यक्ष विजय सुर्वे, खजिनदार कीर्ती शहा, डायलिसिस सेंटरचे विभागप्रमुख डॉ. मकबूल कोकाटे, उद्योजक डॉ. सनाउल्ला घरटकर, उपाध्यक्ष चंद्रकांत अपराध, सचिव अजित गुरव, संचालक जहूर कादरी, माजी नगराध्यक्षा स्नेहा पाटील, रुग्णवाहिका कमिटीचे अध्यक्ष राशीद फहीम, मंगेश दांडेकर, संचालिका वासंती उमरोटकर, संचालक शशिकांत भगत, नितीन आंबुर्ले, आदेश दांडेकर आदी मान्यवर उपस्थित होते. संजीवनी आरोग्य सेवा संस्था ही राज्य सरकारच्या महात्मा फुले योजनेत समाविष्ट झाल्याने सरकारच्या अनेक उपक्रमांचा फायदा होणार आहे.