वडगाव मावळ, ता. ३१ : गुढीपाडव्याच्या दिवशी (ता.२) नूतन वर्षाच्या स्वागतासाठी येथे भव्य शोभायात्रेचे आयोजन करण्यात आले असल्याची माहिती नगराध्यक्ष मयूर ढोरे यांनी दिली. उत्सव संस्कृतीचा, मराठी अस्मितेचा उपक्रमांतर्गत नगराध्यक्ष ढोरे यांच्या पुढाकातून यावर्षी मराठी नूतन वर्षाच्या स्वागतासाठी या शोभयात्राचे आयोजन करण्यात आले आहे. शनिवारी सायंकाळी पाच वाजता मोरया चौकातून या शोभयात्रेला सुरुवात होईल व पंचायत समिती चौकात तिचा समारोप होईल. वडगाव शहरातील सर्व नागरिकांनी या शोभायात्रेत सहभागी होऊन मराठी संस्कृतीचा उत्सव साजरा करावा असे आवाहन नगराध्यक्ष ढोरे यांनी केले आहे.