मुंबई, ता. १ : मुंबई विद्यापीठाच्या कलिना संकुलात उभारलेल्या ३८ इमारतींना आजवर पालिका प्रशासनाने भोगवटा प्रमाणपत्र दिलेले नाही. यासंदर्भात माहिती अधिकारात मागवलेला तपशील देण्यास विद्यापीठ कुलगुरू सुहास पेडणेकर गेले आठ महिने टाळाटाळ करीत असल्याचा आरोप कार्यकर्ते अनिल गलगली यांनी केला आहे.
आजतागायत विद्यापीठ प्राधिकरणाकडून आवश्यक पूर्ततेसह ओसी देण्याचा कोणताही प्रस्ताव प्राप्त झालेला नसल्याची माहिती देण्यात आली आहे. यामुळे कुलगुरू यांना ओसीसंदर्भात पत्र पाठवूनही मुंबई विद्यापीठाने त्या पत्रास गांभीर्याने घेतले नसल्याचा दावा गलगली यांनी केला आहे.
ऑटोडीसीआर ऑनलाईन प्रणालीमार्फत आवश्यक कागदपत्रे सादर केल्यास भोगवटा प्रमाणपत्र मिळवले जाऊ शकते. आता तर कुलगुरू हेच लक्ष देत नसल्याने त्यांच्यावर कुलपती आणि उच्च व तंत्र शिक्षणमंत्री यांनी कारवाई करण्याची मागणी त्यांनी केली आहे.
...
१९७५ नंतरच्या इमारतींना प्रमाणपत्र नाही
मुंबई विद्यापीठाच्या कालिना परिसरातील ६३ पैकी ३८ इमारतींना भोगवटा प्रमाणपत्र मिलालेले नाही. या इमारती १९७५ पासून २०१७ दरम्यान बांधण्यात आलेल्या आहेत. एकूण ६३ इमारतींपैकी फक्त २५ इमारतींना ओसी मिळाली असून ३८ इमारतींना ओसी अद्याप मिळाली नाही. एका इमारतीस अंशतः भोगवटा प्रमाणपत्र आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.