मुंबई, ता. ३१ : मराठी भाषा विभागाच्या वतीने चर्नी रोड येथे उभारण्यात येणाऱ्या मराठी भाषा भवनाच्या इमारतीचे भूमिपूजन गुढीपाडव्याच्या मुहूर्तावर उद्या (ता. २) होणार आहे. मुख्यमंत्री उद्धव ठाकरे यांच्या हस्ते भूमिपूजन होणार असल्याची माहिती मराठी भाषा विकास मंत्री सुभाष देसाई यांनी दिली. या कार्यक्रमाला उपमुख्यमंत्री अजित पवार, महसूल मंत्री बाळासाहेब थोरात यांच्यासह मराठी साहित्यिक, विचारवंत उपस्थित राहणार आहेत. नुकत्याच झालेल्या अर्थसंकल्पीय अधिवेशनात भाषा भवनासाठी निधीची तरतूद करण्यात आली आहे.