मुंबई, ता. २४ : मुंबई महापालिका क्षेत्रात ७३ नवे कोरोना रुग्ण आढळले आहेत. मुंबईतील कोरोना रुग्णांची एकूण संख्या १,०५९,२८६ वर गेली
आहे. आज एकाही मृत्यूची नोंद झाली नाही. मुंबईतील एकूण मृत्यूंची संख्या १९५६२ वर स्थिर आहे. सध्या शहर उपनगरात ५२१
रुग्णांवर उपचार सुरू आहेत. दिवसभरात ५५ रुग्ण बरे होऊन घरी गेले. दिवसभरात निदान झालेल्या रुग्णांपैकी ७१ जण लक्षणविरहित असून दोघांवर रुग्णालयात उपचार सुरू आहेत. मुंबईत बरे झालेल्या रुग्णांचा दर ९८ टक्के आहे. रुग्ण दुप्पट होण्याचा कालावधी १०,१२९
दिवसांवर येऊन ठेपला आहे. ६ ते १४ एप्रिलपर्यंत मुंबईतील एकूण कोविड वाढीचा दर ०.००७ टक्क्यांवर आहे. पालिकेने मागील २४ तासांत रुग्णांच्या संपर्कातील एकूण ६९१ अतिजोखमीच्या सहवासितांचा शोध घेतला आहे. मुंबईत एकूण १,०५९,२८६ कोरोना बाधित असून मृतांची संख्या १९ हजार ५६२ इतकी आहे.