सुदर्शन केमिकलच्या वतीने साहित्य वाटप महाड, ता. ८ (बातमीदार) : महाड एमआयडीसीतील सुदर्शन केमिकल इंडस्ट्रीज लिमिटेड या कंपनीच्या वतीने कांबळे ग्रामपंचायत हद्दीतील शाळा व अंगणवाड्यांतील विद्यार्थ्यांसाठी शैक्षणिक आणि क्रीडा साहित्याचे नुकतेच वाटप करण्यात आले. कार्यक्रमाला तहसीलदार सुरेश काशीद, गटशिक्षणाधिकारी सुनीता पालकर, कंपनीच्या उप सरव्यवस्थापक माधुरी सणस, सुदर्शन कंपनीचे व्यवस्थापक संदीप काशीद, रुपेश मारवते, कायदेशीर सल्लागार विशाल घोरपडे, सरपंच राघोबा महाडिक, उपसरपंच आतिश शिंदे, केंद्रप्रमुख सुधीर मांडवकर, तंटामुक्ती समितीचे अध्यक्ष राफिक कालसेकर, शिक्षक , ग्रामपंचायत सदस्य, अंगणवाडी सेविका उपस्थित होते. सूत्रसंचालन श्राजेश सुर्वे यांनी केले; तर बालाजी गुबनरे यांनी आभार मानले.