कोएसोच्या संचालक मंडळाची निवडणूक बिनविरोध अलिबाग, ता. ९ ( बातमीदार) : कोकण एज्युकेशन सोसायटीच्या संचालक मंडळाची निवडणूक नुकतीच घेण्यात आली. सात जागांसाठी संजय पाटील यांच्या पॅनेलच्या सात उमेदवारांनी अर्ज दाखल केले होते. या सात जागांसाठी सातच उमेदवार असल्याने सातही उमेदवार बिनविरोध निवडून आल्याचे निवडणूक निर्णय अधिकारी ॲड. विजय पेढवी यांनी जाहीर केले. बिनविरोध विजयी उमेदवारांमध्ये संजय दत्ता पाटील, ॲड. नंदा मनोहर देशमुख, अजित पुरुषोत्तम शाह, सुभाष प्रभाकर पाटील, ॲड. हेमंत प्रभाकर गांगल, दिलीप दगडू पार्टे, ॲड. सिद्धार्थ संजय पाटील यांचा समावेश आहे. या संचालक मंडळाच्या झालेल्या सभेत अध्यक्ष म्हणून संजय पाटील, उपाध्यक्ष म्हणून ॲड. नंदा देशमुख, तसेच कार्यवाह म्हणून अजित शाह यांची सर्वानुमते बिनविरोध निवड झाली.