अखेर धोकादायक विद्युत खांब हटवला कर्जत (बातमीदार) : नेरळ ब्राह्मणआळी येथील आंबेमाता हॉल येथील विजेचा खांब वाकलेला होता. तसेच तो वाहतुकीलाही अडथळा ठरत होता. रस्त्याच्या मध्येच विद्युत खांब असल्याने अपघाताचीही शक्यता होती. त्यामुळे सामाजिक कार्यकर्ते संदीप उतेकर यांनी महावितरणला हा विद्युत खांब बदलावा, अशी मागणी निवेदनाद्वारे केली होती. अखेर महावितरणने मागणी मान्य करत तो धोकादायक खांब अन्यत्र हटवला आहे. कर्जत : पूर्वी रस्त्यातच असलेला खांब.