बौद्धजन पंचायतीच्या अध्यक्षपदी भगवान शिंदे पाली, ता. ३१ (वार्ताहर) : सुधागड तालुका बौद्धजन पंचायतीची बैठक रविवारी (ता.३०) पालीतील डॉ. बाबासाहेब आंबेडकर स्मारकात झाली. यावेळी मध्यवर्ती समितीच्या तालुका अध्यक्षपदी भगवान शिंदे यांची; तर तालुका सचिवपदी राजेश गायकवाड आणि सुप्रिम समिती अध्यक्षपदी नितीन गायकवाड यांची बिनविरोध निवड करण्यात आली. मध्यवर्ती समितीच्या उपाध्यक्षपदी दिलीप जाधव, सहसचिवपदी नितीन जाधव, खजिनदारपदी अमित गायकवाड, सदस्यपदी सुनील गायकवाड व दिलीप मोरे यांची सर्वानुमते निवड करण्यात आली. यावेळी ज्येष्ठ मार्गदर्शक पी. बी. गायकवाड, छनक शिर्के, शशिकांत शिंदे, रवींद्रनाथ ओव्हाळ, राहुल सोनावले, दिलीप जाधव, अशोक कांबळे, जयवंत कांबळे, सुरेश जाधव आदी उपस्थित होते.