(केपी.................) ------------------ जिल्हा परिषदेच्या वतीने आज रोजगार मेळावा ठाणे, ता. २२ ः पंडित दीन दयाल उपाध्याय ग्रामीण कौशल्य योजनेअंतर्गत ‘आझादी का अमृत महोत्सव’ निमित्ताने ठाणे जिल्हा परिषदेच्या अंतर्गत कार्यरत असणाऱ्या महाराष्ट्र राज्य ग्रामीण जीवनोन्नती अभियानाच्या जिल्हा अभियान व्यवस्थापन कक्षाच्या समन्वयाने जिल्हास्तरीय रोजगार मेळाव्याचे आयोजन करण्यात आले आहे. हा रोजगार मेळावा गुरुवारी (ता. २३) सकाळी १० वाजता मराठा मंदिर हॉल, आचार्य अत्रे नाट्यगृहा शेजारी झुंझारराव चौक, सुभाष मैदान जवळ, बाजारपेठ कल्याण (प) येथे होणार आहे. मुख्य कार्यकारी अधिकारी डॉ. भाऊसाहेब दांगडे यांच्या मार्गदर्शनाखाली होणाऱ्या या रोजगार मेळाव्यात विविध १५ कंपन्या सहभागी होणार आहेत. या रोजगार मेळाव्यात १८ ते ३५ या वयोगटातील युवकांना सहभागी होता येणार असल्याची माहिती प्रकल्प संचालक छायादेवी सिसोदे यांनी दिली.