पूर्व द्रुतगती मार्गावर फ्लेमिंगोंच्या प्रतिकृती मुलुंड, ता. २ (बातमीदार) ः महाराष्ट्र सरकारने भांडुप येथील पंपिंग स्टेशनला पक्षी अभयारण्य म्हणून घोषित केले आहे. या अभयारण्याबाबत जनजागृती करण्यासाठी प्रशासनाने मुलुंडच्या पूर्व द्रुतगती मार्गावरील ऐरोली पुलाजवळ फ्लेमिंगो पक्ष्यांच्या प्रतिकृती बसवल्या आहेत. त्या सुंदर प्रतिकृती वाहनचालक आणि पादचाऱ्यांना आकर्षित करत आहेत. अभयारण्याबाबत प्रशासनाकडून विविध पावले उचलण्यात आली असून पर्यटकांना आकर्षित करण्यासाठी नवनवीन योजनांचा अवलंब करण्यात येत आहे. दरम्यान, मुलुंड पूर्व द्रुतगती मार्गाच्या जंक्शनच्या मध्यभागी फ्लेमिंगोंच्या आकर्षक प्रतिकृती उभारल्या आहेत. भांडुप पंपिंग स्टेशनजवळील अभयारण्यामध्ये दरवर्षी पर्यटक आणि पक्षीनिरीक्षक येतात. जगभरातील विविध पक्षी येथे पाहता येतात. फ्लेमिंगो हे या ठिकाणचे प्रमुख आकर्षण आहे. या अभयारण्यात फ्लेमिंगोंशिवाय, ग्रीन शँक, ब्राह्मणी काईट्स, लिटिल एग्रेट, सीगल्स, कॉमन सँडपायपर, पेंटेड स्टोक्स इत्यादी दुर्मिळ प्रजातींचे पक्षीही आहेत. ...