पतसंस्थेच्या अध्यक्षपदी चंद्रकांत पाटील जोगेश्वरी (बातमीदार) : येथील सेकंडरी स्कूल एम्प्लॉईज को-ऑपरेटीव्ह क्रेडिट सोसायटीच्या कार्यकारी मंडळाची बैठक नुकतीच पार पडली. यात सोसायटीच्या अध्यक्षपदी पुन्हा चंद्रकांत पाटील, तर उपाध्‍यक्ष म्‍हणून सुधाकर जगदाळे यांची बिनविरोध निवड करण्यात आली. तसेच सचिवपदी किशोर पाटील, सहसचिव सतीश माने, खजिनदार सतेश शिंदे यांचीही यावेळी निवड करण्यात आली. याप्रसंगी सं‍स्थेचे ज्येष्ठ माजी संचालक गणपत खरात, अंधेरी पूर्व विधानसभा १६६ मतदारसंघाचे पर्यवेक्षक राजेश खरात व शाहीर, कवी मधुकर रुपवते उपस्थित होते. नवनिर्वाचित संचालक चंद्रकांत पाटील यांचे अजित चव्हाण, जगन्नाथ जाधव यांनी आभार मानले.