गृहसंकुलांसाठी बाकड्यांसोबत सॅनिटायझर मशीन भेट जोगेश्वरी (बातमीदार) : जोगेश्वरीतील गृहनिर्माण संस्थांना आसनव्यवस्था (बाकडे) आणि सॅनिटायझर मशीनचे वाटप करण्यात आले आहे. जोगेश्‍वरीतील गृहनिर्माण संस्थांनी इमारतींच्या प्रवेशद्वाराजवळ हातांना निर्जंतुकीकरण करण्याकरिता मशीन मिळण्यासाठी तसेच सोसायटीतील वयोवृद्ध नागरिकांना बसण्याकरिता आसनव्यवस्था मिळावी, यासाठी स्‍थानिक आमदार रवींद्र वायकर यांना अर्ज दिले होते. त्यानुसार या वस्तूंचे वाटप करण्यात आले. याप्रसंगी विश्वनाथ सावंत, समन्वयक भाई मिर्लेकर, अनिल म्हसकर, बाळा साटम, जयवंत लाड, बाळा तावडे, मंदार मोरे, नीतेश म्हात्रे, अविनाश रासम उपस्थित होते. तसेच येथील शिवसेना शाखा क्र. ७७ च्या वतीने ‘दिनदर्शिका-२०२२’ प्रकाशित करण्यात आली. शामनगर येथील नागरी कार्यालयासमोरील इच्छापूर्ती मंदिरासमोर हा प्रकाशन सोहळा पार पडला.