वसई, विरार शहरात ७,५०० विद्यार्थ्यांना लस वसई, ता. ३ (बातमीदार) : वसई-विरार शहर पालिकेच्या आरोग्य विभागाने १५ ते १८ वयोगटातील मुलांचे लसीकरण करण्यास सुरुवात केली आहे. पहिल्याच दिवशी शहरात ७ हजार ५०० विद्यार्थ्यांना पहिला डोस देण्यात आला. जानेवारीच्या पहिल्या दिवसापासून नोंदणीसाठी ऑनलाईन सुविधा उपलब्ध करण्यात आली होती. तसेच केंद्रावरही व्यवस्था केली होती. केंद्रावर शाळेचे ओळखपत्र, जन्माचा दाखला अथवा शाळा सोडल्याचा दाखला तपासण्यात आला. विरार फुलपाडा, बोळींज, सोपारा, आचोळे, वसई अँथनी शाळा कोळीवाडा, कर्मवीर भाऊराव पाटील विद्यालय, जूचंद्र, अग्रवाल व ओम नगर या केंद्रांवर आरोग्य विभागाच्या वतीने लसीकरण करण्यात आले.