३८ टक्के बाधित रुग्णालयात दाखल राज्यात १२ टक्के रुग्ण गंभीर सकाळ वृत्तसेवा मुंबई, ता. ३ : राज्यातील सक्रिय रुग्णांचा आकडा वेगाने वाढत असून तो आता ४२ हजारवर गेला आहे. त्यातील १६,३८० रुग्णांना रुग्णालयात दाखल करावे लागले आहे. त्यांचे प्रमाण ३८ टक्के आहे. राज्यात मागील आठवडाभरात राज्यातील सक्रिय रुग्णांमध्ये ९१.३६ टक्के वाढ झाली आहे. त्यात सर्वाधिक सक्रिय रुग्ण हे मुंबईत २९,८१९ एवढे आहेत. लक्षणेविरहित किंवा सौम्य लक्षणे असणारे २६, ११२ (६२.१ टक्के) रुग्ण आहेत. ५, ४५० (१२.५८ टक्के) रुग्ण गंभीर आहेत. गंभीर रुग्ण वाढल्याने आयसीयूमध्ये दाखल कराव्या लागणाऱ्या रुग्णांची संख्या वाढली आहे. आयसीयूमध्ये ५.६१ टक्के म्हणजे साधारणत: २३६५ रुग्णांना आयसीयूची गरज भासली आहे. सक्रिय रुग्णांपैकी व्हेंटिलेटरवर २.३५ टक्के म्हणजेच ९९० रुग्ण; तर ऑक्सिजनवर ३.२६ टक्के म्हणजे साधारणत: १३७५ रुग्ण आहेत. ७.९ टक्के म्हणजेच २९८० रुग्ण आयसीयूबाहेर ऑक्सिजनवर आहेत. ........ सर्वाधिक सक्रिय रुग्ण असलेले क्षेत्र मुंबई - २९,८१९ ठाणे - ४६६९ पुणे - ३२७४ पालघर - ८०६ रायगड - ७४६