घाटकोपरमध्ये फर्निचरच्या दुकानाला आग मुंबई, ता. ३ ः घाटकोपरमधील सुंदर बाग परिसरातील एका फर्निचरच्या दुकानाला आग लागल्याची घटना सोमवारी सकाळी घडली. आत अडकलेल्या दोन मुलींना वाचवण्यात अग्निशमन दलाच्या जवानांना यश आले. या दोघी बहिणी आहेत. त्यांच्या चेहऱ्याला किरकोळ भाजले आहे. आगीमागचे नेमके कारण समजू शकलेले नाही. डिसिल्वा कंपाऊंडमध्ये आगीची दुर्घटना घडली. आठ फायर इंजिनच्या साह्याने आगीवर नियंत्रण मिळवण्यात आले.