गॅसगळती होऊन घराला आग ठाणे, ता. ४ : ठाण्यातील धर्मवीरनगर परिसरात आम्रपाली इमारतीच्या ८ व्या मजल्यावरील गॅसगळती होऊन भडका उडाल्याची घटना सोमवारी (ता. ३) सायंकाळी घडली. या इमारतीतील विनोद सिंग यांच्या खोली क्र. ८०६ मध्ये ही घटना घडली. घटनेची माहिती मिळताच अग्निशमन दल अधिकारी, मानपाडा पोलिस, ठाणे महापालिका प्रादेशिक आपत्ती व्यवस्थापन विभागाच्या अधिकारी-कर्मचाऱ्यांनी घटनास्थळी धाव घेतली. त्यानंतर आगीवर नियंत्रण मिळवले. यामध्ये कोणतीही जीवितहानी झाली नसून, आगीत घराचे मोठ्या प्रमाणात नुकसान झाले आहे.