४८ वाहनचालकांवर कारवाई बोर्डी, ता. ४ (बातमीदार) : नियमांचे उल्लंघन करणाऱ्या ४८ वाहनचालकांवर बोर्डीतील घोलवड पोलिसांनी धडक कारवाई करत साडेअकरा हजारांचा दंड वसूल केला. परिसरातील शाळा व महाविद्यालय परिसरात अल्पवयीन विद्यार्थी वेगात वाहने चालवून नियमांचे उल्लंघन करीत असल्याच्या तक्रारी वाढल्या होत्या. या पार्श्वभूमीवर ही कारवाई करण्यात आली. पालकांनी अल्पवयीन मुलांना दुचाकी, चारचाकी वाहने चालवण्यास देऊ नये, असे आवाहन पोलिस निरीक्षक रवींद्र पारखे यांनी केले. दरम्यान, पालघर जिल्ह्यात डायल ११२ उपक्रम सुरू झाला असून, अडीअडचणीच्या काळात या उपक्रमातून नागरिकांना तत्काळ सेवा उपलब्ध होणार आहे. संशयित व्यक्ती, वस्तू तसेच समुद्रात संशयास्पद हालचाल करणाऱ्या नौका आढळून आल्यास ११२ क्रमांकावर डायल करून पोलिसांना माहिती द्यावी, असे आवाहनही पोलिसांनी केले आहे.