पालघर जिल्ह्यातील नर्सरी, बालवाडी बंद पालघर, ता. ४ (बातमीदार) ः पालघर जिल्ह्यातील मराठी माध्यमाच्या बालवाडी व इंग्रजी माध्यमाच्या नर्सरी, लोअर केजी व अप्पर केजी शाळा पुढील आदेशापर्यंत बंद करण्याचा आदेश जिल्हाधिकारी डॉ. माणिक गुरसळ यांनी दिले आहेत. कोव्हिडच्या वाढत्या प्रादुर्भावामुळे हा निर्णय घेण्यात आल्याचे सांगण्यात येत आहे. या आठवड्यात संपूर्ण पालघर जिल्ह्याच्या पॉझिटिव्ह दर पाच टक्यांच्या वर पोहचला आहे. दरम्यान शाळा बंद आदेशाचा भंग करणाऱ्या व्यक्ती, संस्था आणि संघटना यांच्यावर कठोर कारवाई करण्यात येईल, असे आपल्या आदेशात जिल्हाधिकाऱ्यांनी म्हटले आहे.