भाजप विरोधात राष्ट्रवादीची घोषणाबाजी सकाळ वृत्तसेवा ठाणे, ता. ५ ः मंत्री जितेंद्र आव्हाड यांनी दोन दिवसांपूर्वी ठाण्यात जाहीर सभेत ओबीसी समाजाबाबत वक्तव्य केले होते. त्या वक्तव्यानंतर त्यांच्या निवासस्थानी पुण्यात दोन बस भरून माणसे येणार असून ते मोर्चा काढणार आहेत, अशा आशयाचे ट्विट जितेंद्र आव्हाड यांनी केले होते. आव्हाड यांच्या ट्विटनंतर आज राष्ट्रवादीच्या महिला कार्यकर्त्या आव्हाडांच्या निवासस्थानी जमा झाल्या. त्यांनी भाजपच्या विरोधात जोरदार घोषणाबाजी केली. दरम्यान, पोलिसांनी महिला कार्यकर्त्यांना आव्हाडांच्या निवास स्थानापासून दूर नेले. आव्हाडांच्या घरी आधीच ६० ते ७० कार्यकर्ते, नगरसेवक, शहर अध्यक्ष उभे होते.