राष्ट्रवादी काँग्रेसकडून स्वच्छतेची शपथ घणसोली (बातमीदार) : नवी मुंबई राष्ट्रवादी काँग्रेस पार्टीचे जिल्हाध्यक्ष अशोकशेठ गावडे यांच्या मार्गदर्शनाखाली नेरूळ येथील सेक्टर ६ मधील राजमाता जिजाऊ उद्यान आणि तानाजी मालुसरे क्रीडांगण या ठिकाणी राष्ट्रवादी काँग्रेस तालुका अध्यक्ष महादेव पवार आणि कार्यकर्ते आणि श्रमदान करत स्वच्छता मोहीम राबवली. यावेळी नवी मुंबई मनपा अधिकारी यांनी वसुंधरा स्वच्छता मोहिमेची शपथ दिली. नेरूळ येथील जिजामाता उद्यानाला अस्वच्छतेमुळे बकालपणा आला होता. खेळणी तुटलेल्या अवस्थेत, तर गवत वाढलेले होते तशीच स्थिती क्रीडांगणाची झाली होती. रविवारी (ता. २) सकाळी महादेव पवार यांच्या पुढाकाराने सेक्टर ६ मधील राष्ट्रवादी काँग्रेसच्या कार्यकर्त्यांनी विविध हौसिंग सोसायटीतील पर्यावरणप्रेमी नागरिक आणि विविध स्वयंसेवी संस्थांच्या स्वयंसेवकांनी उत्स्फूर्तपणे स्वच्छता मोहिमेत सहभागी होऊन श्रमदान करत उद्यान आणि क्रीडांगण स्वच्छ केले. या मोहिमेत यशवंत मोहिते, प्रमोद शेळके, सविता यादव, सुजाता घारे, सुषमा पवार, प्रशांत सोळसकर यासह पर्यावरणप्रेमी नागरिकांनी सहभाग घेतला.