बदलापूरमध्ये आज कोरोनाचा विस्फोट आज एकूण १६१ रुग्णांची नोंद; बदलापूरकरांची चिंता वाढली! बदलापूर, ता.६ ः बदलापूरमध्ये आज कोरोनाचा विस्फोट झाला आहे. आज बदलापूर शहरात एकूण १६१ रुग्णांची नोंद झाली आहे. कोरोनाच्या पहिल्या व दुसऱ्या लाटेत वाढलेल्या रुग्णांच्या संख्येपेक्षा तिसऱ्या लाटेत वाढणारी ही संख्या अधिक आहे. वाढलेल्या या रुग्णसंख्येमुळे शहरात चिंतेचे वातावरण पसरले आहे. शहरात उपलब्ध आरोग्य सुविधांचा विचार करता ही रुग्णसंख्या मोठी आहे, असेच म्हणावे लागेल. वाढलेली रुग्णसंख्या लक्षात घेता प्रशासन यंत्रणा सज्ज झाली आहे. लसीकरण मोठ्या प्रमाणात झाल्याने आढळलेल्या रुग्णांपैकी ९८% रुग्णांना हलकी लक्षणे आहेत; तर २% रुग्णांना ऑक्सीजनची गरज आहे. मात्र प्रशासनाकडे पुरेशी आरोग्य यंत्रणा, सुविधा असून आलेल्या परिस्थितीला सामोरे जाण्यासाठी प्रशासन सज्ज असल्याचे पालिकेचे मुख्याधिकारी योगेश गोडसे यांनी सांगितले.