डोंबिवली : कल्याण-डोंबिवली महापालिका (kdmc) हद्दीत कोरोना रुग्णांची (corona patients increases) तिपटीने वाढ होत आहे. गुरुवारी पालिका हद्दीत एकाच दिवशी १ हजारांहून अधिक कोरोना रुग्ण आढळून आले. कोरोनाच्या या तिसऱ्या लाटेच्या (corona third wave) विळख्यात कोरोना योद्धे पोलिसदेखील (police corona infected) सापडले आहेत. डोंबिवली हद्दीत ९ पोलिसांना कोरोनाची लागण झाली आहे. (nine police corona infected in domibivali)

यामध्ये २ अधिकारी व ७ कर्मचाऱ्यांचा समावेश असल्याची माहिती डोंबिवलीचे सहाय्यक पोलिस आयुक्त जयराम मोरे यांनी दिली. कल्याण-डोंबिवलीत कोरोनाबधितांची संख्या झपाट्याने वाढत असल्याने पालिका आयुक्त डॉ. विजय सूर्यवंशी यांनी नागरिकांनी घाबरून न जाता सतर्क राहून काळजी घेण्याचे आवाहन केले आहे. जानेवारी महिन्याच्या सुरुवातीपासून कोरोना रुग्ण वाढीस सुरुवात झाली. दिवसाला २०० च्या घरात सुरुवातीला हा आकडा गेला.

५ जानेवारीला हाच आकडा ६०० च्या वर गेला आणि ६ जानेवारीला कल्याण- डोंबिवलीत १ हजार १७२ रुग्ण सापडले आहेत. उपचार घेणाऱ्या एकूण रुग्णांची संख्या ३ हजार ६८ झाली आहे. कोरोनाची लागण पोलिसांनादेखील झाली आहे. डोंबिवली हद्दीत ९ पोलिसांना कोरोनाची लागण झाली आहे. डोंबिवली पोलिस ठाण्यातील १ अधिकारी ४ कर्मचारी, मानपाडा पोलिस ठाण्यातील १ अधिकरी, २ कर्मचारी व विष्णुनगर पोलिस ठाण्यातील एका कर्मचाऱ्याचा यात समावेश आहे.